هذي نصيحة بلا ثمن
خطيتها بنزف الوريد..
هذا الزمن ما ينضمن
خلك بعيد قدرك يزيد..
ولاتنثر احساسك شجن
ما حس بك اللي تريد..
ولا ترخص اوقاتك لمن
ما كنت له هم'ن وحيد..
ولا تاخذك لهفة حضن
وحضنه .. لواحد جديد..
وفي حالتي اعلن علن
ان الوفا امسي شهيد..
يوم ان رسمته لي وطن
وسلمته الملك اﻷكيد ..
كان الجحود هو الثمن
ارسلني لمنفى بعيد..
واثري نحته لي ..وثن
حالة مثل قطعة جليد
اكتب أمل ..يمكن يحن
لكن يحن..قبله الحديد
ماعاد.. برسل له لحن
ولا عاد يستاهل قصيد
هذا رثائي .. يا زمن
ماهو حساب ولا وعيد..
وماهو بكا أبكي..لمن؟
لواحد'ن .. قاسي عنيد..
في دنيتي كم خاب ظن
رحلة و انا فيها.. وحيد..
*سوالف ليل*
